Approvats da la radunanza generala dals 26 december 2000
 

Al firà da Pasqua 1970 s’an radunats las giuvnas ed ils giuvens da Müstair ed han fuormà üna società cul nom “Giuventüna Müstair“
 
Art. 1 Scopo da la società

a) Promover l’micizcha e l’rmonia tanter la giuventüna

b) As render vicendaivel cun bun exaimpel resguardand religiun e morala
c) Render plü viva la vita sociala
 

Art. 2 Drets e dovairs dals commembers

a) Commember da la GIUVENTÜNA MÜSTAIR po dvantar mincha giuvna o giuven da Müstair, vaschin o domicilià, sch’l nu suottastà plü a la ledscha da
scoula da Müstair.
 
b) Cun entrar illa GIUVENTÜNA MÜSTAIR s’bliescha tal ad üna quota annuala

(CHF 30.–

, e da frequentar la radunanza generala. Commembers activs chi han cumpli il 30avel anniversari vegnan declerats sco commembers d’nur. Els sun deliberats da pajar la quota annuala.
 

Art. 3 Organisaziun

a) La GIUVENTÜNA MÜSTAIR administrescha seis affars tras:

· ün comitè consistent da 4 giuvnas(ens)
· üna gruppa da lavur consistenta da 5 giuvnas(ens)
· la radunanza generala
 
b) Il comitè e la gruppa da lavur vegnan elets da la radunanza generala per la dürada da 2 ons. Els sun reelegibels.
 
c) Drets dal comitè:
· convochar la radunanza generala
· trar alchünas decisiuns
· dispuoner d’n import fin max CHF 1’00.–
 
d) Dovairs dal comitè:
- il(la) president(a) maina las sezzüdas dal comitè e las radunanzas.
- l’ctuar(a) maina il protocol da las sezzüdas e da las radunanzas, maina la correspondenza e publichescha ils avis publics.
- il(la) chaschier(a) inchascha las contribuziuns, pissera pel inchasch a chaschun da producziuns publicas da la GIUVENTÜNA MÜSTAIR. Minch’on es el(la) in dovair da preschantar ün rendaquint exact a la radunanza generala.
 
e) La gruppa da lavur es subordinada al comitè. Ella güda a realisar il program da lavur.
 
f) Il rendaquint vain controllà da 2 revisuors da quint chi vegnan elets da la radunanza generala per la dürada da 2 ons.
 
g) La GIUVENTÜNA MÜSTAIR ha ün banderal, quel vain elet da la radunanza generala per üna dürada da 2 ons.
 
h) Implü fa part a la GIUVENTÜNA MÜSTAIR ün preses chi’ es l’ssistent e cussgliader spiritual. Il preses pissera per la realisaziun dal böt religius e moral. Sco preses funghescha il plavan da cumün.
 
i) La GIUVENTÜNA MÜSTAIR as raduna minch’on per Sonch Stefan per salvar la radunanza generala. A chaschun da la radunanza generala vegnan effetuadas tschernas ed i vain tractà sur da tuot las decisiuns. La radunanza generala es obligatorica per tuot ils commembers (commembers d’nur sun exclus da quist oblig). Per na s-chüsats vain inchaschada üna paina da

CHF 5.–

. Il comitè, insembel cul preses, dess pisserar eir per otras radunanzas, impustüt per l’nstrucziun religiusa e soziala. Sco festas per la giuventüna cun cult divin e predgia speziala valan:

- il di da Sonch Stefan
- la dumengia da las Palmas
- la Festa d’ngrazchamaint

 
j) Tschernas vegnan fattas tras scrutin. In quist cas decida la pluralità absoluta. Votaziuns vegnan fattas avertas. Là decida la pluralità relativa.
 
k) La GIUVENTÜNA MÜSTAIR organisescha minch’n alchs divertimaints. Mincha commember es in dovair d’cceptar la lavur chi til vain surdat. Ils commembers chi nun accumplischan la lezcha surdatta vegnan punits a man d’n sistem da puncts. Quai s’gnificha, cha quel chi nu vegn a lavurar senza s-chüsa valabla, fatta in scrit o per telefon al president o a seis vice, e chi nun ha procurà ün rimplazzant, vain puni cun üna paina da

CHF 100.–

. Implü survain el ün punct chi vain notà. Mincha punct vala amo üna jada

CHF 50.–

. Ils puncts vegnan dombrats insembel ed alura valütats a chaschun dal viadi da nossa società. Quai s’gnificha cha per mincha punct vegnan trat giò

CHF 50.–

da l’mport cha la GIUVENTÜNA MÜSTAIR surpiglia vi dals cuosts dal viadi organisà.
 
l) Quels chi nu resguardan quists statüts, impustüt l’rtichel 1, l’rtichel 2 lit b, e l’rtichel 3 lit i e k, vegnan exclus da la società.
 

Art. 4 Schogliamaint da la società

In cas cha la GIUVENTÜNA MÜSTAIR as schogliess, crouda lur avanz respectivmaing rispargn illa chascha cumünala. Quella administrescha l’mport in möd separà fin pro la fundaziun d’na società culs medems interess religius e socials.